Реакција на оштетена и катастрофална состојба на инфрастурктура во Велес
Во Велес на 2 км од центарот на градот, на ул. „Павел Шатев“ во населбата „Тунел“, после секој дожд се формира цело езеро. Со цел да им помогнеме на граѓаните да го направат својот проблем видлив, решивме на дупката која на места е длабока и половина метар да го одржиме првиот локален натпревар во риболов на градски дупки. Настанот се одржа на 28 март, во организација на слободни граѓани, а учествуваа и неколкумина спортски риболовци. За потребите на натпреварот дупката беше порибена со 2 примероци крап кои подоцна беа пуштени во водите на езерото Младост. Интересно за оваа акција која беше хит во Велес е дека улицата беше ургентно санирана и асвалтирана по акцијата од страна на локалната власт.